შინაგან საქმეთა სამინისტრო მედიაში გავრცელებულ ცრუ ინფორმაციას ეხმიანება

პოლიტიკა 09 Jul 2020 14:58

შინაგან საქმეთა სამინისტრო განცხადებას ავრცელებს, რომელსაც უცვლელად გთავაზობთ:


"მაღალი საზოგადოებრივი ინტერესიდან გამომდინარე გაცნობებთ, რომ ერთ-ერთ

მედია საშუალებაში გავრცელებულ კადრებში ნაჩვენები მოქალაქე, დადგენილია,

რომ არის 1996 წელს დაბადებული, ხაშურში მცხოვრები ლ.ლ. და ინფორმაცია იმის

შესახებ, რომ ის არის ა.ბ., სიმართლეს არ შეესაბამება. საგამოძიებო

მოქმედებების ფარგლებში დადგენილია, რომ კადრებში ნაჩვენები პიროვნება

მიკრო ავტობუსით გადაადგილდებოდა ხაშურიდან თბილისის მიმართულებით.

აღნიშნული სატრანსპორტო საშუალება მოძრაობდა ქუთაისი თბილისის

მიმართულებით.


ასევე, ერთ-ერთ მედია საშუალებაში გავრცელებული ინფორმაცია ხანძრის

ხელოვნურად გაჩენის შესახებ არის მორიგი სიცრუე და მიზანმიმართულად

საზოგადოების შეცდომაში შეყვანის მცდელობა. საგამოძიებო მოქმედებების

შედეგად გამოვლინდა, რომ 4 ივლისს, არაგვის ხიდის მიმდებარე ტერიტორიაზე

გაჩენილი ხანძარი მეტალის დამუშავებამ გამოიწვია. შესწავლილი ფაქტობრივი

გარემოებებით დადგინდა, რომ 1980 წელს დაბადებული ლ.ყ. ჯართის შეგროვების

მიზნით, ადგილზე მეტალს ამუშავებდა და დაადასტურა, რომ ამ პროცესში ბალახს

მოეკიდა ცეცხლი. ფაქტზე გამოძიება საქართველოს სისხლის სამართლის კოდექსის

188-ე მუხლით მიმდინარეობს."- აღნიშნულია განცხადებაში. 



კომენტარები:

ფართი შოპი