კახეთში, ქვემო სამგორის სარწყავი სისტემის რეაბილიტაცია 2021 წლის დასაწყისში დასრულდება, პროექტის ღირებულებაა 4 888 850 ლარია

07 Nov 2019 17:27

გარემოს დაცვისა და სოფლის მეურნეობის სამინისტოს შპს „საქართველოს მელიორაცია“ კახეთში, ქვემო სამგორის სარწყავი სისტემის რეაბილიტაციას ახორციელებს.


საგარეჯოს მუნიციპალიტეტში მიმდინარეობს წყალგამანაწილებელი არხის   აღდგენითი სამუშაოები.


პროექტის ფარგლებში დანალექი გრუნტისაგან და ბუჩქნარისაგან გაიწმინდა   არხის 12 კილომეტრიანი მონაკვეთი; მოეწყო მონოლითური ბეტონის ბორდიური. ამ დროისთვის მიმდინარეობს არხის ფერდებისა და ძირის მონოლითური ბეტონით შევსება და ტორკრეტირება.


მიმდინარე სამუშაოებს გაეცნო შპს „საქართველოს მელიორაციის“ გენერალური დირექტორი დავით წითლიძე.


სამელიორაციო ინფრასტრუქტურის მოწესრიგების შედეგად, საგარეჯოს მუნიციპალიტეტში   330 ჰექტარ სასოფლო-სამეურნეო მიწის ფართობზე გააუმჯობესდება სარწყავი წყლის მიწოდება. 


პროექტის ღირებულებაა 4 888 850 ლარი.


სამუშოები  მიმდინარე წლის ივლისში დაიწყო და 2021 წლის დასაწყისში დასრულდება.

 


კომენტარები:

ფართი შოპი