"ვგმობთ იმ არაკაცურ საქციელს, რაც უხსენებელმა ჟურნალისტმა გააკეთა" - ლევან ვასაძე გიორგი გაბუნიაზე

08 Jul 2019 12:09

ვგმობთ უხსენებელი ჟურნალისტის არაკაცურ საქციელს, - ამის შესახებ „ვერის ბაღში“ გამართულ აქციაზე ბიზნესმენმა ლევან ვასაძემ განაცხადა, რომელიც „რუსთავი 2“-ის ჟურნალისტის, გიორგი გაბუნიას გუშინდელ განცხადებას გამოეხმაურა.



„ვგმობთ ამ არაკაცურ საქციელს. არა იმიტომ, რომ რამის გვეშინია, ის რაც ამ უხსენებელმა ჟურნალისტმა გააკეთა, იყო პროვოკაცია ჩვენი ქვეყნის დამპყრობლის გამოსაძახებლად. ჩვენ ვემიჯნებით ასეთ განცხადებებს. არ არის სწორი ასეთ საფრთხეში ჩააგდოს სახელმწიფო თავისი მაიმუნობის და ამბიციების გამო“,- განაცხადა ვასაძემ.



7 ივლისს, „რუსთავი 2“-ის საავტორო გადაცემაში „პოსტსკრიპტუმის“ წამყვანმა გიორგი გაბუნიამ რუსეთის პრეზიდენტის ვლადიმერ პუტინის მისამართით უცენზურო განცხადებები გააკეთა. ვლადიმერ პუტინს გიორგი გაბუნიამ პირდაპირ ეთერში აგინა. გადაცემის დასრულების შემდგომ, სპეციალური გამოშვებით გავიდა ეთერში „კვირის აქცენტები“, სადაც წამყვანებმა ნიკა გვარამიამ და ეკა კვესიტაძემ გიორგი გაბუნიას განცხადების გამო ბოდიში მოიხადეს. მოგვიანებით, „რუსთავი 2“-ის შენობასთან აქცია გაიმართა. პროტესტის მონაწილეები მოითხოვდნენ დაწყებულიყო გამოძიება გიორგი გაბუნიას განცხადებაზე, ასევე, ნიკა გვარამიას და გიორგი გაბუნიას დაეტოვებინა არხი. მოგვიანებით, ტელეკომპანიის გენერალურმა დირექტორმა ნიკა გვარამიამ საგანგებო განცხადება გააკეთა და განაცხადა, რომ არხი მაუწყებლობას წყვეტს, რადგან იმ ჟურნალისტების უსაფრთხოება, რომლებიც აღნიშნულ აქციაზე მუშაობდნენ, არ იყო დაცული. „რუსთავი 2“-მა მაუწყებლობა უკვე განაახლა.

IPN.ge

loading...

კომენტარები:

ფართი შოპი