"ცოტა პატივი მაინც გვეცით და უფრო დამაჯერებლი ტყუილები მოიფიქრეთ!"-მერაბ მეტრეველი პროკურატურას მიმართავს

16 Oct 2018 14:49

ჟურნალისტი მერაბ მეტრეველი, პროკურატურის მიეს დღეს გავრცელებულ ფარულ ჩანაწერს ეხმაურება: 


"ე, ბიჭო, სანამ ასეთ სისულელეს შემოგვტენით, მანამდე ცოტა ტვინი რომ გაანძრიოთ არ შეიძლება? დავუშვათ დავიჯერეთ, რომ სუბელიანმა ჯერ კიდევ ივლისში უთხრა ვიქტორ ჯაფარიძეს, რომ, თუ „ოცნება“ არ მომხედავს მაშინ ტყუილებს მოვიგონებ და ავაყირავებო ანუ გამოდის ჯაფარიძემ წიანსწარ იცოდა რას აპირებდა სუბელიანი. მაშინ, მერე უკვე 11 სექტემბერით დათარიღებულ ჩანაწერში ამ ტყუილების მოყოლა რომ დაუწყო სუბელინმა, ჯაფარიძე რატომ არ ეუბენბა: რად გინდა ახლა ეგ ტყუილები? ორივემ ხომ ვიცით, რის გამოც აკეტებო? რატომ აყვა საუბარში?! თუ ორ თვეში დაავიწყდა რაზე ელაპრაკა სუბელიანი?  ან გუშინწინ გაკეთებულ კომენტარში რატომ არ თქვა ჯაფარიძემ, სუბელინამა წინასწარ მოგონილი ტყუილები ილაპრკაო და თქვა, ჩავთვალე, არაადაეკვატური იყოო? ასე თეთრი ძაფით როდემდე უნდა კეროთ? ცოტა პატივი მაინც გვეცით და უფრო დააბაჯერებლი ტყუილები მოიფიქრეთ!

p.s. თუ ამ ფეიკი ჩანაწერის გაკეთებას აპირებდით, მაშინ სუბელიანთან სხვა ვინმე მაინც შეგეყვანათ და მასთან ელაპრაკა ეს ყველაფერი, მაშინ ჯაფარიძეს არგუმენტი ექნებოდა, მე რა ვიცოდი, თუ ტყუილებს ლაპრაკობდაო. მარა ამდენი ვერ მოიფიქრეთ, ხო?"-წერს მეტრეველი.



გამოძიების ერთ-ერთი ვერსიით, საქმე შესაძლოა გვქონდეს ბრალდებულ მირზა სუბელიანის მცდელობასთან, ცრუ, მის მიერვე გამოგონილი დანაშაულებრივი ფაქტების გასაჯაროების მუქარით ზემოქმედება მოახდინოს მისი ბრალდების საქმის საბოლოო შედეგზე, - ამის შესახებ მთავარ პროკურატურაში გამართულ ბრიფინგზე აღინიშნა.


მათივე განმარტებით, ამ დროისთვის, გამოძიება გრძელდება დანაშაულთან შემხებლობაში მყოფი ყველა პირის გამოსავლენად, ასევე მედიასაშუალებით გავრცელებულ ფარულ აუდიოჩანაწერში გახმოვანებულ შესაძლო დანაშაულებრივ ფაქტებთან დაკავშირებით.


„საქართველოს მთავარი პროკურატურა, დაპირებისამებრ, აგრძელებს საზოგადოების ინფორმირებას იმ სისხლის სამართლის საქმის გამოძიების შესახებ, რომელიც პირადი ცხოვრების საიდუმლოს უკანონოდ მოპოვებისა და შენახვის, აგრეთვე, პატიმრობაში მყოფი პირის კერძო საუბრის უნებართვო ჩაწერის, ჩანაწერის უკანონოდ შენახვისა და ხელმისაწვდომობის უზრუნველყოფის, იძულების და სამსახურებრივი უფლებამოსილების შესაძლო გადამეტების ფაქტებზე ამა წლის 12 ოქტომბერს დაიწყო.


გამოძიებით დადგენილია, რომ მოქალაქე ი.პ-სგან ამოღებული მეხსიერების ბარათი სამ ფარულ აუდიოჩანაწერს შეიცავს, რომლებიც სავარაუდოდ საქართველოს სასჯელაღსრულების სისტემის ერთ-ერთ დაწესებულებაშია ჩაწერილი. იმ გარემოების გათვალისწინებით, რომ ერთ-ერთმა მედიასაშუალებამ უკვე გაასაჯაროვა 11 ოქტომბრით დათარიღებული აუდიოფაილი, რომელზედაც სავარაუდოდ მ.ს.-ს, პარლამენტის წევრის ვიქტორ ჯაფარიძის და მოქალაქე დავით ცუხიშვილს შორის მიმდინარე საუბრებია ფარულად ჩაწერილი, მაღალი საზოგადოებრივი ინტერესის გათვალისწინებით, მივიღეთ გადაწყვეტილება, გავასაჯაროვოთ 2018 წლის 6 ივლისით დათარიღებული აუდიომასალაც, რომელზეც სავარაუდოდ კვლავ მირზა სუბელიანის და ვიქტორ ჯაფარიძის საუბარია ჩაწერილი. დღეს გავრცელებული აუდიოჩანაწერი, ისევე, როგორც 11 ოქტომბრის და ასევე მეხსიერების ბარათზე არსებული მესამე აუდიოჩანაწერი, რასაკვირველია, მოითხოვს სპეციალურ საექსპერტო კვლევას, რაც უკვე დაწყებულია. გამოძიების ერთ-ერთი ვერსიით, საქმე შესაძლოა გვქონდეს ბრალდებულ მირზა სუბელიანის მცდელობასთან, ცრუ, მის მიერვე გამოგონილი დანაშაულებრივი ფაქტების გასაჯაროების მუქარით ზემოქმედება მოახდინოს მისი ბრალდების საქმის საბოლოო შედეგზე“, - განაცხადეს მთავარ პროკურატურაში.

კომენტარები:

ფართი შოპი