„ქართუს“ დაფინანსებით საფუძველი ჩაეყარა ქუთაისის საერთაშორისო უნივერსიტეტის ფოტოკონკურსს KIU Photo Contest

ქუთაისის საერთაშორისო უნივერსიტეტის ინიციატივით და საერთაშორისო საქველმოქმედო ფონდი „ქართუს“ დაფინანსებით საფუძველი ჩაეყარა ქუთაისის საერთაშორისო უნივერსიტეტის ფოტოკონკურსს KIU Photo Contest.

 

კონკურსი ტარდება ააიპ „კულტურა და კონტაქტების“ ორგანიზებით და მიზნად ისახავს საქართველოში ფოტოგრაფიის, როგორც თანამედროვე ხელოვნების დარგის განვითარებას და ახალგაზრდა ფოტოგრაფების პროფესიული ზრდის ხელშეწყობას, მათი გამოვლენით, მხარდაჭერითა და გაძლიერებით.

 

გავრცელებული ინფორმაციის თანახმად, წლევანდელი კონკურსის თემაა:  „საქართველო – ფოტოებით მოთხრობილი ისტორიები“.  მონაწილეები თავისუფალნი არიან თემის ინტერპრეტაციაში, კრეატიულ მიდგომასა და ნამუშევრის ესთეტიკაში.

 

ფოტოკონკურსში მონაწილეობის მიღება შეუძლიათ 18-დან 30 წლამდე ასაკის მოყვარულ და პროფესიონალ ფოტოგრაფებს (საქართველოს მოქალაქეებს და ასევე აფხაზეთისა და სამაჩაბლოს ტერიტორიაზე მცხოვრებ პირებს).

 

კონკურსის ჟიური ფოტოგრაფიის სფეროში საერთაშორისოდ აღიარებული პროფესიონალებისგან შედგება და მათ შორისაა:

 

 

ტომას დვორჟაკი - ფოტოგრაფი, ფოტოსააგენტო „MAGNUM PHOTOS“-ის წევრი.

 

მერიენ გოლონი - „Washington Post“-ის ფოტოგრაფიის განყოფილების ხელმძღვანელი და მთავარი ფოტო რედაქტორი;

 

ალესია გლავიანო - „Vogue Italia“-ს მთავარი ფოტორედაქტორი;

 

აზუ ნვაგბოგუ -  „African Artists' Foundation (AAF)“-სა და „LagosPhoto Festival“-ის დამფუძნებელი და დირექტორი;

 

ნათელა გრიგალაშვილი - დამოუკიდებელი ფოტოდოკუმენტალისტი და ფოტოჟურნალისტი.

 

კონკურსში განაცხადების მიღების ბოლო ვადაა 2021 წლის 1 თებერვალი.

 

გამარჯვებულთა ვინაობა კი 2021 წლის გაზაფხულზე გახდება ცნობილი.

 

რაც შეეხება კონკურსის კატეგორიებს და ჯილდოებს

 

კონკურსის ფარგლებში შესაძლებელია, როგორც დასრულებული, ასევე მიმდინარე ფოტო პროექტების გამოგზავნა. ფოტო სერიები შეიძლება იყოს ნებისმიერი ჟანრიდან – დოკუმენტური, კონცეპტუალური, რეპორტაჟი.

 

კონკურსანტებმა უნდა მიუთითონ თუ რომელ კატეგორიაში იღებენ მონაწილეობას. ფოტო კონკურსის კატეგორიებია:

 

პროფესიონალ ფოტოგრაფთა კატეგორიაში მონაწილეობა შეუძლიათ მხოლოდ პროფესიონალ ფოტოგრაფებს. თითოეულ მონაწილეს მხოლოდ ერთი ფოტო სერიის გამოგზავნის უფლება აქვს.

 

მოყვარულ ფოტოგრაფთა კატეგორიაში, მხოლოდ მოყვარულებს. თითოეულ მონაწილეს მხოლოდ ერთი ფოტო სერიის გამოგზავნის უფლება აქვს.

 

ერთი კადრის კატეგორიაში მონაწილეობა შეუძლიათ როგორც პროფესიონალ, ასევე მოყვარულ ფოტოგრაფებს. ამ კატეგორიაში თითოეულ მონაწილეს მაქსიმუმ სამი ინდივიდუალური ფოტოს გამოგზავნის უფლება აქვს.

 

კონკურსის პრიზები

 

პრიზები პროფესიონალ ფოტოგრაფთა კატეგორიაში გამარჯვებულთათვის:

 

I ადგილი – 10 000 ლარი

II ადგილი – 7 000 ლარი

III ადგილი – 4 000 ლარი

 

პრიზები მოყვარულ ფოტოგრაფთა კატეგორიაში გამარჯვებულთათვის:

I ადგილი – 7 000

II ადგილი – 5 000 ლარი

III ადგილი – 3 000 ლარი

 

პრიზები ერთი კადრის კატეგორიაში გამარჯვებული მონაწილეებისთვის:

 

I ადგილი – 3 000 ლარი

II ადგილი – 2 000 ლარი

III ადგილი – 1 000 ლარი

 

კონკურსში მონაწილეობის მსურველებს დეტალური ინფორმაციის გაცნობა შემდეგ საიტზე შეუძლიათ: www.kiuphoto.com 



კომენტარები:

ფართი შოპი